बी स्ट्रॉंग शरीराने व मनाने

                                     मूत्रकच्छ      थेंब थेंब लघवी होऊन वेदना होतात किंवाा उन्हाळी लागते. उपचार:- १) गूळ घालून ताक पिणे               २) गायीच्या गरम दुधात तूप, साखर किंवा गूळ                           घालून पिणे.

                                दमा उपचार:- १) भोपळ्याच्या मुळाचे चूर्ण व सुंठ दिवसातून अर्धा अर्धा चमचा दोन ते तीन वेळा दीर्घकाळपर्यंत घेतल्याने दमा नाहीसा होतो. २) अंघोळीच्या वेळी अंगावर पाणी घेण्यापूर्वी तोंडात दोन घोट पाणी भरून घ्यावे. व आंघोळ पूर्ण होईपर्यंत तसेच ठेवावे. अंघोळ पूर्ण झालेवर थुंकावे. ३) एक वर्षापूर्वीचा जुना मध एक कप पाण्यात किंवा दुधात मिसळून प्यावा. मधामध्ये फुफ्फुसांच्या आवरणातील दोष कमी होऊन चिकट पदार्थ तयार करण्याची प्रक्रिया थांबते. ४) एक पेला लिंबूपाणी जेवणाबरोबर प्यायल्याने दम्याची तीव्रता कमी होते. ५) एक चमचा ओवा पेलाभर ताकात मिसळून दिवसातून 22 असे ताक प्यावे. दाटलेला कफ बाहेर पडतो. ६) नुकताच सुरू झालेल्या दम्यासाठी दहा चमचे दुधात लसणीच्या पाकळ्या घालून उकळावे. व रोज एकदा प्यावे. ७) दम्याची उबळ आल्यास मोहरीच्या तेलात दोन-तीन खापराचे तुकडे घालून ते मिश्रण छातीस चोळल्याने छातीतील कफ सुटतो. रोग्याला श्वासोच्छवासाचा त्रास होत नाही. ८) मीठ वर्ज केल्याने दमा दूर होतो. पथ्य:- भात, साखर,...

                              मधुमेह अनियंत्रित खाणे व लठ्ठपणा या कारणामुळे मधुमेह होतो.           लक्षणे-  दिवसा गुंगी येणे, रात्री झोप न लागणे, पोटऱ्या दुखणे, सारखी भूक लागणे, सारखी लघवी लागणे इ उपचार:- १) गव्हाचा तृणरस रोज घ्यावा. २) अनुशापोटी चार तेेेे पाच कारल्याचा रस प्यावा. तसेच कारल्याचेे तुकडे पाण्यात उकळून त्याचा काढा करून प्यावा. ३) एक चमचा आवळ्याचा रस व एक कप कारल्याचाा रस एकत्र करून दोन महिने रस प्यावा. इन्सुलिन स्त्रवण्यासाठी याचा चांगला उपयोग होतो. ४) जांभळाच्या बिया वाळवून त्याची पूड एक चमचा दिवसातून दोनदा एक कप दुधातून किंवा पाण्यातून घ्यावी. ५) 25 ग्रॅम ते 100 ग्रॅम मेथ्या चावून खाव्यात. ६) हरभरे भिजत घातलेले पाणी पिल्याने रक्तातील ग्लुकोजच्या पातळीत सुधारणा होते. आहार:- नैसर्गिक रूपातील पदार्थ आहारात जास्त असावेत. फळे, सुकामेवा, भाज्या, दूध, दही, ताक हे पदार्थ भरपूर खावेत.

                            रातांधळेपणा             उपचार:- १) सकाळ-संध्याकाळ टोमॅटो रसाचे सेवनाने रातांधळेपणात फायदा होतो. दृष्टी स्वच्छ होऊन दृष्टीचे तेज वाढते. २) बकरीच्या दुधात लवंग उगळून डोळ्यात घातल्याने रातांधळेपणा दूर होतो. ३) पांढरे मिरे दहीत किंवा मधात खलून सकाळ-संध्याकाळ डोळ्यात घातल्याने रातांधळेपणा दूर होतो. ४) कांद्याच्या रसात थोडे मीठ घालून त्याचे थेंब डोळ्यात घातल्याने रातांधळेपणा बरा होतो.

                            मुळव्याध मोडावर उपचार:- १) कारल्याच्या मुळीचा लेप लावावा. २) सोलून ठेचलेला कांदा भाजून लावावा. ३) मुळा दूध घालून बारीक वाटावा व मूळव्याधीच्या दुखऱ्या सुजलेल्या भागावर लावावा.

                            रक्ती मूळव्याध         उपचार:- १) धने व खडीसाखरेचे पाणी उकळून तो काढा पिल्याने मूळव्याधीतून पडणारे रक्त बंद होते. २) एक कप गाजराचा रस व एक कप गायीचे दूध अनुशापोटी घ्यावे. ३) रात्री थोड्या दह्यात तीन-चार आमसुले घालून सकाळी त्या दह्याचे ताक करून प्यावे. ४) कांदा जास्त पाण्यात वाटून त्यात साखर घालून हे मिश्रण दिवसातून दोनदा प्यावे. ५) जिरे वाटून त्याचा लगदा करून बांधल्याने मोडातून पडणारे रक्त बंद होते. दाह थांबतो तसेच बाहेर आलेला व खूप दुखत असणारा मोड आत जातो.